ဝင်ငွေခွန် ကြေညာလွှာနှင့် စည်းကြပ်မှုစံနှုန်း

ဝင်ငွေခွန်စည်းကြပ်ရာတွင် မြို့နယ်အခွန်ရုံးမှ ပေးပို့သည့် အကြောင်းကြားစာအရ အခွန်ထမ်းက ကြေညာလွှာတင်သွင်းရပါမည်။ ကြေညာလွှာတွင် ဝင်ငွေ၊ အသုံးစရိတ်နှင့် အသားတင်အမြတ်ဆိုင်ရာ အချက်အလက်များကို မှန်ကန်စွာ ဖော်ပြရပါမည်။

မြို့နယ်အခွန်ရုံးသည် အခွန်ထမ်း၏ ထွက်ဆိုချက်များကို မှတ်တမ်းတင်ပြီး လိုအပ်ပါက လုပ်ငန်းနေရာသို့ ကွင်းဆင်းစစ်ဆေးနိုင်ပါသည်။ အခွန်ထမ်း၏ထွက်ဆိုချက်၊ စာရင်းအထောက်အထားနှင့် အခွန်ရုံး၏သုံးသပ်ချက်တို့အပေါ် အခြေခံ၍ ကျသင့်အခွန်ကို စည်းကြပ်ပါသည်။